«Сабақта ойын элементтерін пайдалана отырып, оқушылардың логикалық ойлау қабілеттерін дамыту» тақырыбында вебинар өтті.

29 наурыз күні «АлгорИФМ» атты математика, информатика және физика пәндер бірлестігі «Сабақта ойын элементтерін пайдалана отырып, оқушылардың логикалық ойлау қабілеттерін дамыту» тақырыбында вебинар өтті.
Мақсаты: «Ойын арқылы оқушылардың білім алуын, пәнге қызығушылығын арттыра отырып, тұлғаның дамуын қалыптастыру.
Сабақта ойын технологиясының элементтерін пайдалану: оқушылардың сабаққа қызыушылығын арттырады, логикалық ойлауын дамытады, ойын барысында кездескен жағдайларда шешім қабылдауға, дәлелдеуге үйретеді, шығармашылық қабілетін дамытады.
Вебинарда математика пәні мұғалімі Р.Сабурова, информатика пәні мұғалімі Э.Амантаева, физика пәні мұғалімі С.Кунтуреева өз тәжірибелерімен бөлісті.
Мұғалім Э.Амантаева ойын түрлерінің ұлттық, дидактикалық, қозғалыс, рольдік, интелектуалдық, іскерлік, грамматикалық лексикалық болатынын атап, интеллектуалды ойындарға сипаттама беріп, күтілетін нәтижелерімен бөлісті. “HOOK Гарпун” әдісі,« 4 сурет 1 сөз», «Артығын тап», «Анаграммалар» сынды ойын түрелерінен мысалдар көрсетті.
Физика пәнінің мұғалімі С. Кунтуреева «Байқап қал», «Дұрыс жолды тап», «Кім тапқыр» , физикалық жұмбақтарды айтып кетті
Р.Сабурова дидақтикалық ойындарға ребустар, сөзжұмбақтар, жұмбақтар, викториналар жәнеде сөздік ойындарға «Адасқан әріптер», «Өз орнын тап» кестемен жұмыс , «Константинополь» әріптерден неғұрлым көп математикалық терминдер құрастыру, «Суретпен жұмыс» тәжірибелерінен көрсетті. 
Вебинар барысында қатысушы ұстаздарға осы ойын түрлерімен кері байланыс жүргізілді. Ұстаздар ребус, анаграммалар шешіп, викториналық сұрақтарға жауап берді, логикалық тапсырмалармен суреттер арқылы вебинарға өз үлестерін қосты. Ойындар тартысты, қызықты өтті . Ұстаздар өз қоржындарын құнды мәліметтермен толықтырды.