02
февраль
2021
ҚАЛҚАМАН САРИН “Адалдық сағатын” өткізді.

ҚАЛҚАМАН САРИН “Адалдық сағатын” өткізді.
Сыбайлас жемқорлыққа қарсы іс-қимыл агенттігі онлайн-дәрістер арқылы жастар арасында парасаттылық қағидаттарын ілгерілетуді жалғастыруда.
Кезекті “Адалдық сағатының” қонағы қазіргі таңда қазақ әдебиеті мен мәдениетінің дамуына елеулі үлес қосып жүрген белгілі ақын Қалқаман Сарин болды.
Қазақстан Жазушылар одағының мүшесі, халықаралық “Шабыт” фестивалінің және “Дарын” мемлекеттік жастар сыйлығының лауреаты, “Алтын қалам” әдеби сыйлығының жеңімпазы, танымал талай туындылардың авторы Қалқаман Сарин өзінің өмірлік ұстанымы ретінде ұлы Абайдың тағлымын алға тартып, “Менің өмірдегі басты ұстанымым - “Еңбек етсең ерінбей, тояды қарның тіленбей”, - деген сөздерін келтірді.